Mero ou cherna

O mero é un peixe magro que contén 1,2 gramos de graxa por cada 100 gramos de porción comestible. O seu contido en proteínas non é moi elevado, aínda que estas son consideradas de alto valor biolóxico e conteñen todos os aminoácidos esenciais. Posúe diferentes vitaminas e minerais. Entre as vitaminas destacan as do grupo B, como B1, B3, B6 e B12. O contido destes nutrientes é pouco relevante si compárase con outros alimentos como os cereais integrais, os legumes, as verduras de folla verde, o fígado ou as carnes en xeral. Estas vitaminas, salvo a B12, permiten o aproveitamento dos nutrientes enerxéticos, é dicir, hidratos de carbono, graxas e proteínas. Todas elas interveñen en numerosos procesos de gran importancia como a formación de glóbulos vermellos, a síntese de material xenético, o funcionamento do sistema nervioso, etc. O mero tamén contén cantidades interesantes de vitamina E, unha vitamina con acción antioxidante.

En relación coa presenza de minerais destacan: potasio, fósforo e selenio, e en menor proporción magnesio, aínda que as cantidades nas que se atopan son medias se se comparan co contido destes minerais que presentan a maior parte dos peixes. O potasio é un mineral necesario para o bo funcionamento do sistema nervioso e a actividade muscular e intervén no equilibrio de auga dentro e fóra da célula, mentres que o fósforo está presente en ósos e dentes, actúa no sistema nervioso e na actividade muscular, e participa en procesos de obtención de enerxía.  O selenio é un antioxidante que tamén participa no metabolismo das graxas e no sistema inmunolóxico.  
O magnesio é un mineral necesario para o sistema nervioso e a actividade muscular e intervén no equilibrio de auga dentro e fóra da célula.

mcg = microgramos