Cabracho

O cabracho posúe unha carne moi fácil de dixerir e moi saborosa, polo que estaría recomendado de maneira específica para os nenos. Con todo, contén moitas espiñas que haberá que eliminar para que non o rexeiten e non exista risco de accidente.Hai diferentes modos de preparalo para que os nenos o coman sen ningunha preocupación. Por exemplo, unha sopa de peixe na que se inclúa cabracho desmigado, unhas croquetas ou mesmo un puding ou pastel de cabracho poden ser boas opcións. 

Tamén se pode empregar este peixe para acompañar a unha receita de arroz ou de pasta, pratos que aos nenos polo xeral agradan, ou elaboralo á prancha ou asado (sempre sen espiñas) acompañado de alimentos que chamen a atención dos máis pequenos como uns tomatitos, unhas gambas rebozadas, ou unhas verduras e hortalizas xunto a unha porción de pan para que eles poidan elaborar a súa propia pizza caseira.