Marrazoa

Marrazoa barailadun espeziekoa da, kondriktios motakoa, marrazo-formakoa. Bere familiakoak dira marrazoa, katilua eta kainabota. Horiek guztiek barne-eskeleto kartilaginosoa dute, eta munduko itsaso gehienetan daude.

non arrantzatzen da?

Marrazoak mundu osoko itsasoetan kokatzen dira. Espeziearen arabera, Mediterraneo itsasoan, Atlantikoan, Mantxako kanalean eta Ipar itsasoan zehar banatzen dira. Pelagikoak dira, eta itsas hondoarekin kontakturik gabe egiten dute igeri, 50 eta 400 metro arteko sakoneran.

Espezierik ezagunenak

225 espezie inguru daude, eta horietatik gutxi batzuk baino ez dira jateko modukoak.

Marrazoa (Isurus oxyrinchus). Gorputz luzanga eta mehea du, ardatz itxurakoa, eta kanpoko kolore gris urdinxka. Mundu osoko itsasoetako eremu epeletan dago. Eremu tropikaletan ere bizi da, eta arrunta da Europako kostaldean. Atunaren antzeko haragia du, kolorez eta trinkotasunez.

Gelba (Galeorhius galeus). Tolle, lixa edo marrazo txakurra ere esaten zaio. Gorputz liraina eta grisaxka da. Mediterraneoan, Atlantikoan, Mantxako kanalean eta Ipar itsasoan dago. Haragi gorria du, atunarenaren antzekoa.

Kailoia (Lamma nasus). Bere gorputza potolo samarra da. Kanpoko kolorea gris urdinxka da, marrazo grisarena eta marrajoarena bezala. Atlantikoan eta Mediterraneo itsasoan bizi da. Estimu handitan dauka Europako iparraldeko herrialdeetan.

Marrazo grisa edo kanabota (Hexanchus griseus). Ur epeleko itsaso guztietan dago, Atlantikotik Norvegiaraino, eta Mediterraneo itsasoan. Bere haragi zuria oso delikatua da eta herrialde batzuetan, Italian adibidez, marrazorik onena dela esaten da.

Marrazo zuria (Carcharadon carcharias) Tamaina handiko gorputza du, gris nabarretik urdinera. Mundu osoan zehar zabaltzen da eta espezie arriskutsuena bezala katalogatua dago.

Ezaugarriak

• Forma: Gorputza fusiformea du, isatsa handia eta indartsua, igerilari onak bezala.
• Gutxieneko tamaina: ez da deskribatu.
• Kolorea: Gris urdinxka izan ohi da.
• Luzera eta pisua: Espeziearen arabera oso aldakorra da, katu arrain txikitik hasi eta 18 metro luze den bale marrazo erraldoiraino.
• Elikadura: Haragijale nagusia. Handienak ia bakarrik planktonez elikatzen dira.