Mero zuria edo mero beltza

Mero zuria edo mero beltza Serranidoen familiakoa da, Peciformes ordenakoa. Denbora luzez izan da urpeko arrantzaleen helburua, handia delako, baina egun babestutako espeziea da.

Non arrantzatzen da?

Soilik ur tropikal eta epeletan bizi da, hala nola Brasilgo eta Bermudetako kostaldeetan (Atlantikoko ozeanoan), Mediterraneo itsasoko uretan eta baita Pazifikoan ere. Kobazuloak eta zuloak ugariak diren gune harritsuetan bizi dira. 10 metroko sakoneratik aurrera aurkitu ohi dira. Isolatuta bizi dira, ezkutaleku ugari dituen lurralde finko batean. Bertan, desagertu egiten da, mehatxatuta sentitzen denean.

Oso espezie zaharra da, eta 50 urte arte bizi daitezke.

Espezierik ezagunenak

Ozeano Atlantikoko eta Mediterraneo itsasoko (Epinephelus guaza) espezie soilaz gain, badira itsaso bero eta tropikaletan banatutako beste espezie batzuk ere. Hona hemen ezagunenetako batzuk.

Epinephelus lanceolatus. Kalibre handienetako bat da. 3,5 m-rainokoak daude.

Epinephelus striatus. Ozeano Atlantikoko zona tropikaletan bizi da. Estatu Batuetan gehien kontsumitzen den hutsetako bat da.

Epine-phelus morio. Floridako kostaldean dago, eta ezaugarri gastronomiko onenetako bat dela esaten da.

Epinephelus nigritus. Kolonbiako Karibeko uretan dago.

Epinephelus itajara. Tamaina handiko arraina da, eta 300 kiloko pisua izatera irits daiteke.

Epine-phelus analogus. Bere koloreagatik bereizten da, kolore marroi-gorrixkako gorputz baten gainean orban eta barra ilunak dituelako.

Ezaugarriak

• Forma: Gorputz luzanga du, alboetan zapala eta beheko baraila irtena. Burua handia du, ahoa bezala: mutur zabala, ezpain lodiak eta beheko baraila irtenxea. Bere bizkar-hegatsen aurrealdean 9 eta 11 arantza bitartean dituzte.
• Gutxieneko neurria: 45 cm.
• Kolorea: Iluna da eta berde eta marroiaren artean mugitzen da. Behealdea horixka du. Bizkar-hegatsak ertz laranja du, eta gainerakoek, ertz urdin argia.
• Luzera eta pisua: Bere tamaina espezie ezberdinen artean aldatzen da, 3 metrotatik (australiar soiletik) 10 cmtara (espezie txikienetatik). 2 eta 300 kilo artean pisatzen du.
• Elikadura: Meroa karramarroz, txokoz eta beste harrapakin batzuez elikatzen da, eta haien gainera oldartzen eta zapaltzen da bere masailezur indartsuekin.