Zapoa

Zapoa, bere haragiaren trinkotasunari esker, sendoa eta zaporetsua, eta bere xerrek arantzarik ez dutenez, ezin hobea da arrainarekiko nolabaiteko arbuioa sentitzen dutenentzat, haur batzuen kasuan gertatzen den bezala.

Erraza da txikienek zapo-plater bat onartzea, eta are gehiago gazta pixka batekin gainerreta badago, urdaiazpiko edo hirugiharrarekin lagunduta, edo jogurt-saltsa gozo batekin zerbitzatuta.

Badira beste aukera batzuk ere: arraina modu errazagoan prestatzea, adibidez, birrineztatzea, edo gustukoak dituen plateretan eranstea, hala nola paella edo zapo- eta ganba-kroketak. Ideia ona da, halaber, zapoa modu harrigarrian eta deigarrian aurkeztea. Aukera bat da txitxi-burruntzi batean sartzea otarrainxka eta barazki zatitxoekin batera, sagarra bezalako frutekin, dado itxuran eta tomate saltsa batekin lagunduta. Zopa gozo baten osagaia ere izan daiteke, edo berenjenak betetzeko erabiltzen den kremaren parte.