Perka

Perka gantz gutxiko arrain zuria da -2 gramo gantz baino gutxiago ditu 100 gramo bakoitzeko. Pisu gehiegiko arazoak dituzten eta dieta hipokalorikoa egin behar duten pertsonentzat da egokia, betiere teknika leunak erabiltzen badituzte. Perkan dagoen proteina kopurua ez da oso handia, balio biologiko handikoak badira ere.

Perkaren osaketan ere hainbat bitamina eta mineral daude. Hala ere, mantenugai horietako bakar bat ere ez dago kopuru nabarmenetan. Bitaminei dagokienez, B multzoko batzuk ditu, B6 eta B12, adibidez, eta proportzio txikiagoan B1, B2, B3 eta B9, baina, oro har, eduki ertaina dute gainerako arrainek baino. Bitamina horiei esker, mantenugai energetikoak aprobetxa daitezke (karbohidratoak, gantzak eta proteinak), eta, gainera, garrantzi handiko prozesuetan esku hartzen dute, hala nola globulu gorriak sortzeko prozesuetan, hormona sexualen ekoizpenean, nerbio-sistemaren funtzionamenduan, etab. Perkak D bitamina ere badu, kaltzioa xurgatzen eta hezurrean finkatzen laguntzen duen bitamina liposolublea, eta odoleko kaltzio-maila erregulatzen du.

Mineralen artean, potasioa, fosforoa eta selenioa daude, baita magnesio kopuru txikiak ere. Potasioa nerbio-sistemaren eta muskuluen jardueraren funtzionamendu egokirako beharrezko minerala da, eta zelularen barruko eta kanpoko ur-orekan parte hartzen du; fosforoa, berriz, hezurretan eta hortzetan dago, nerbio-sisteman eta muskuluen jardueran eragiten du eta energia lortzeko prozesuetan parte hartzen du. Selenioa antioxidatzailea da, eta gantzen metabolismoan eta sistema immunologikoan ere parte hartzen du.  

Magnesioa hestearen, nerbioen eta muskuluen funtzionamenduarekin erlazionatzen da, hezur eta hortzen parte izateaz gain. Immunitatea ere hobetzen du eta eragin laxante leuna du.

Hala ere, kontuan hartu behar da mineral horietako bakar bat ere ez dagoela perkan kopuru nabarmenetan, gainerako arrainetan dagoen kantitatearekin konparatuz gero.

mcg = mikrogramoak