Krabarroka

Krabarroka arrain erdi-gantzatsua da -bere haragiak 2 gramo gantz baino gutxiago dauka 100 gramo bakoitzeko. Balio biologiko handiko proteina-iturri ona da, eta hainbat bitamina eta mineral ditu. Bitaminen artean, B multzokoak daude (B1 eta B2), nahiz eta horien edukia hutsaren hurrengoa den mantenugai horietan aberatsak diren beste elikagai batzuekin alderatuz gero: labore integralak, lekaleak, hosto berdeko barazkiak eta haragiak, oro har. Krabarroka honek A bitaminaren kopuru txikiak ditu.

Mineralei dagokienez, potasioa, fosforoa, selenioa eta magnesioa nabarmentzen dira, nahiz eta gainerako arrainek baino gehiago eduki. Potasioa nerbio-sistemaren eta muskuluen jardueraren funtzionamendu egokirako beharrezko minerala da, eta zelularen barruko eta kanpoko ur-orekan parte hartzen du; fosforoa, berriz, hezurretan eta hortzetan dago, nerbio-sisteman eta muskuluen jardueran jarduten du, eta energia lortzeko prozesuetan parte hartzen du. Selenioa antioxidatzailea da, eta gantzen metabolismoan eta sistema immunologikoan ere parte hartzen du.

Magnesioa, berriz, hestearen, nerbioen eta muskuluen funtzionamenduarekin lotuta dago, eta, gainera, hezur eta hortzen parte da, immunitatea hobetzen du eta eragin laxante leuna du.

mcg = mikrogramoak